Loja më e madhe në historinë e FGC është rrëzuar nga froni.
Loja më e madhe në historinë e FGC është rrëzuar nga froni.
Super Smash Bros. Ultimate ishte e sigurt që do të ishte një sukses, që nga emri. Gjithsesi, kombinimi i një gameplay të mrekullueshëm, një numri të madh personazhesh dhe të sjellurit në Nintendo Switch e kanë bërë që të jetë loja më e shitur fighting ndonjëherë.
Pas shumë ri-lançimeve dhe një trashëgimie prej dy dekadash, Street Fighter II ka zbritur nga froni për ti hapur vend Smash Ultimate. Street Fighter II ishte në krye prej shumë vitesh, duke qëndruar në shifrën e 15.5 milion njësive të shitura, pas vendosjes së shtatë versioneve unike të të njëjtës lojë, që nga lançimi fillestar i 1991. Fakti që Smash Ultimate kaloi lojën më ikonike dhe të suksesshme fighting të të gjitha kohërave është një çmenduri.
Smash Ultimate është tashmë loja e dytë më e shitur në Switch, pas Mario Kart 8 Deluxe, që ka shitur 19.01 milion njësi. Kjo do të thotë se ka shitur më shumë se lojëra gjigande si Super Mario Odyssey dhe The Legend of Zelda: Breath of the Wild. Sikur kjo të mos ishte mjaftueshëm, loja arriti të kapte 15 milion njësi të shitura, në më pak se një vit pas lançimit.
Nintendo has always had high software attach rates, but here is a chart that puts it into perspective.
— Daniel Ahmad (@ZhugeEX) October 31, 2019
45.6% of Nintendo Switch owners have a copy of Mario Kart 8 Deluxe.
Smash, BOTW and Odyssey have impressive attach rates too. pic.twitter.com/cjLY3FFQoa
Historikisht është vërtetuar që lojërat fighting, nuk shesin mirë në periudha afatshkurtra, por seritë e Super Smash Bros kanë qenë një përjashtim, mbi të gjitha gjatë viteve të fundit.
Gjithsesi, duhet të theksojmë se disa nga numrat e shitjeve të Street Fighter II, nuk janë përfshirë, pasi versioni SNES Classic dhe lojërat arcade nuk janë llogaritur si njësi individuale. Prapëseprapë, arritja mbetet e madhe për Smash Ultimate.