Subscriber-at e PS Plus për PS4 mund të marrin falas një Play Pack të Apex Legends

Respawn Entertainment po ofron një “Play Pack” të Apex Legends falas për subscriber-at e PlayStation Plus në PS4. Kjo paketë vjen me gjashtë cosmetics në total.

Play Pack është falas dhe mund të shkarkihet nga PlayStation Store në selektimin e Apex Legends. Pasi të instalohet, dy skine do të hapen për Lifeline dhe Mirage dhe dy skine armësh për Eva-8 dhe R-99. Kjo paketë gjithashtu përfshin dy banera të reja për Lifeline dhe Mirage. Kjo mund të gjendet në PSN Store.

Duhet të merrni parasysh se Apex Legends është falas si lojë dhe nuk ia ka nevojën një subscription-i në PlayStation Plus, por nëse doni ta merrni këtë paketën falas, do iu nevojitet antarësimi në PS Plus.

Tani se sa ia vlen e gjithë kjo nuk jemi shumë të sigurtë. Lojtarët mund të blejnë gjëra në Apex me monedhën e lojës. Plus kur je fillestar mund të marrësh edhe Apex Legends Starter Pack që ta bën punën shumë herë më të thjeshtë.

Loja vazhdon të kritikohet për mungesën e update-eve dhe përmbajties së re, sado që Respawn e ka bërë të qartë që këto të fundit do të jenë sezonale vetëm. Shpresojmë që Respawn të sjellë diçka vërtet të lezetshme në sezonin e dytë të Apex, sepse pas rënies së parë të lojës, një rënie tjetër do e dëmtonte shumë.