Si duket, stuhia e dëborës që ka qarkulluar në brigjet jugore të Fortnite nuk është fare stuhi dëbore. Lojtarët kanë raportuar diçka të çuditshme në horizont prej javësh, por update-i i fundit i lojës sugjeron se diçka edhe më madhore mund të jetë duke ardhur.
Me ardhjen e update-it v6.31 të lojës, krahas Pump Shotguns, patch-i i fundit shtoi disa të dhëna se çfarë mund të jetë duke u afruar në Fortnite Season 7. Me ç’kemi parë deri tani jemi vërtet drejt ndryshimeve në përmasat e Titanikut.
Këtë të fundit e themi sepse stuhia e dëborës është në fakt një ajsberg. Nëse kaloni në replay mode dhe hidhni një sy drejt jugut, mund të shihni retë që pritet të sjellin një stuhi dëbore dhe mes tyre një bllok akulli që i bashkangjitet pjesës tjetër të hartës.
Çdo sezon i Fortnite është shoqëruar me ndryshime të dukshme në hartë dhe si duket as sezoni i 7 nuk do të bëjë përjashtim. Se çfarë do të ndodhë ekzaktësisht do ta marrim vesh shumë shpejt. Sezoni i 6 do të vijë drejt fundit javën e ardhshme dhe rrjedhimisht do të pasohet shumë shpejt nga sezoni i 7.