Street Fighter V do të jetë falas për një periudhë kohore në PS4

Si thuhet jo gjërave falas.

Street Fighter V është një lojë që ka kaluar shumë peripecira. Në lançim u kritikua shumë për mungesën e theksuar të tipareve kyçe. Ndaj për ta rregulluar situatën Capcom ka sjellë update falas dhe rishikime të vazhdueshme të lojës, për ta sjellë atë në nivelin që duhet të jetë.

Tani, çfarëdo mendimi që mund të keni rreth lojës, në momentin që diçka është falas nuk mund ti thuash jo. Capcom e ka bërë Street Fighter V free-to-play në PlayStation 4 deri në datë 5 maj. Do të keni akses në 16 personazhe dhe në shumicën e mode-ve të lojës, përfshirë këtu edhe Arcade. Katër personazhe DLC gjithashtu do të jenë të disponueshëm për tu provuar.

PS Plus do të jetë i nevojshëm për ta luajtur online, por përgjithësisht është një opsion mjaft i mirë për ta testuar lojën, nëse ende nuk e keni provuar.