Streamers shpjegojnë përse Twitch është bërë shkak i depresionit të tyre

“Humba të gjitha kontaktet me njerëzit,”

Falë popullaritetit në rritje të faqeve si Twitch dhe YouTube shumë përdorues të internetit duan të nisin një karrierë si një streamer, vlogger ose YouTuber. Gjithsesi këto profesione vijnë me të mirat dhe të këqiat e tyre.

Nëse del një video virale, menjëherë krijohet katapultimi i dikujt drejt famës, por ajo që ndodh prapa kuintave është thjesht shumë dhe shumë punë. “DansGaming“, një streamer i Twitch deklaron se për të arritur aty ku është tani në Twitch, i është dashur të sakrifikojë të gjitha realatat e tij sociale, për tu përkushtuar 100% në kanalin e tij.

Dan tha se vetmia që po përjeton në këto momente vjen si rezultat i të gjitha sakrificave që i duhet të bënte për të ngjitur majat, duke e pranuar se kjo gjë ka shkaktuar izolimin e tij nga bota e jashtme.

“Humba të gjitha kontaktet me njerëzit,” shpjegoi ai. “Shpesh jam i vetmuar. Është e trishtë, por kështu është. Duhet të bësh shumë sakrifica dhe nëse nuk je në një lidhje përpara se të filosh ose gjatë kohës që bën stream, do të jetë shumë e vështirë që të gjesh dikë të ri më vonë.”

Me mbi 790,000 ndjekës në Twitch, është e kuptueshme pse dedikimi i tepërt i Dan ndaj punës, i ka shkaktuar një farë izolimi të tillë. Ai nuk është i vetëm në këtë opinion. Streamer-i “Gross Gore” kishte një shpërthim gjatë një transmetimi në 17 tetor, ku pranoi se disa trolls në Twitch po “shkatërronin” shëndetin e tij mendor.

Duket se ky problem është duke ndikuar shumë streamers dhe personalitete të internetit. Me streaming që po bëhet gjithmonë e më i fortë si profesion, problemet me shëndetin mendor janë në rritje. Duhet të jemi të gjithë më të ndjeshëm karshi situatave të tilla.