Cilët ishin streamer-at më të suksesshëm gjatë 2019?

Kush e ka marrë kurorën e streaming?

Nga lojtarët profesionistë të Fortnite tek talentet e muzikës, streamer-at IRL dhe më shumë, bota e çuditshme dhe magjepsëse e stream-ing është e mbushur me gjithçka.

Disa kanë kaluar nga stream-ing në dhomën e gjumit me disa viewers në transmetime me dhjetëra mijëra shikues sa herë që futen online. Disa kanë arritur majat nëpërmjet platformave të tjera si YouTube dhe esports. Madje, disa të tjerë kanë arritur të kalojnë Twitch tërësisht, duke lëvizur në platforma të reja si Mixer dhe Facebook Gaming.

2019 ka qënë një vit interesant, plot drama, entuziazëm dhe momente të çuditshme, por kush janë ajka e streaming? Cilët streamers kanë arritur të jenë më të mirët për sa i përket audiencës, marrjes së ndjekësve dhe shikueshmërisë? Kemi mbledhur të dhënat dhe kemi zbuluar se cilët janë streamer-at më të suksesshëm gjatë 2019.

Audienca më e lartë gjatë një stream-i në 2019

1. Squeezie – 388,000 – Performancë live e Romeo dhe Zhuljeta
2. Tfue – 316,000 – Stream-i i parë në Fortnite Chapter 2
3. Jokerd – 308,000 – Lojtari i parë që arriti Lvl60 në World of Warcraft Classic

Për sa i përket streamer-ave që patën shikueshmërinë më të lartë kemi World of Warcraft, Fortnite dhe një performancë teatrale të Romeos dhe Zhuljetës. Në vend të parë është performanca e YouTuber-it francez Lucas ‘Squeezie’ Hauchard, i cili në fakt njihet si një gaming YouTuber. Ai bën stream së bashku me Cyprien ‘Cyprien’ Iov. Të dy ata humbën një bast dhe u detyruan të performonin veprën e Shekspirit në skenë, përfshirë këtu puthjen dhe gjithçka tjetër. Stream-i mblodhi plot 380,000 shikues njëherësh.

Më shumë orë të para gjatë 2019

1. Tfue (Twitch) – 91.5 milionë
2. Shroud (Twitch + Mixer) – rreth 70 milionë
3. Summit1g (Twitch) – 63.6 milionë

Kjo është një statistikë mjaft interesante, pasi përllogarit se sa kohë janë ndjekur streams, por edhe se sa kohë streamer-at kanë qënë live. Mbreti i kësaj kategorie është padyshim Tfue, i cili arriti më shumë se 91 milionë orë. Ai është shumë më përpara vendit të dytë që mbahet nga shroud, edhe pse në fakt ka bërë stream më pak gjatë 2019, duke treguar se sa shumë audiencë ka në stream-et e tij. Ai gjithasthu e arriti këtë shifër edhe pse morri një pushim dy javor nga streaming në shtator.

Audienca më e madhe mesatare gjatë 2019

1. Tfue (Twitch) – 45,600
2. Asmongold (Twitch) – 36,500
3. Shroud (Twitch + Mixer) – rreth 27,100

Sërish, streamer-i i Fortnite Tfue është në krye. Audienca e tij e madhe tregon qartë se ai është shumë përpara konkurrencës, duke mbledhur mbi 45,000 shikues, 10,000 më shumë se rivali i tij më i afërt, Asmongold, një streamer shumë popullor i World of Warcraft. Në vend të tretë kemi sërish shroud, kalimi i të cilit në Mixer, edhe pse ka ulur shikueshmërinë, e bën atë ende popullor.

Më shumë ndjekës të fituar gjatë 2019

1. Tfue (Twitch) – 3,168,061
2. Rubius (Twitch) – 2,015,000
3. Shroud (vetëm në Twitch) – 1,933,000

Padyshim që edhe këtu, Tfue është në vend të parë. Për të parë se sa i madh ishte Tfue vitin e kaluar, kjo është statistika specifike që duhet të shikoni. Ai ka mbledhur mbi 3 milionë ndjekës që prej janarit. Ndërkohë në Twitch ka vetëm 12 kanale që kanë mbi 3.16 milionë ndjekës. Pra, mund të themi që Tfue ka rritur audiencën e tij me plot 1 NICKMERCS. Në vend të dytë kemi Rubén ‘Rubius’ Doblas Gundersen, një prej YouTuber-ave spanjollë që kanë kaluar në Twitch. 2 milionë follower-at e tij e kanë çuar atë në vendin e 14 për sa i përket streamer-ave më aktivë në Twitch. Ndërkohë, për shroud kishim një rritje prej 1.93 milionë, pa llogaritur këtu 890,000 ndjekësit e tij në Mixer, pjesa më e madhe e të cilëve e kanë ndjekur atë nga Twitch.

Tabela finale e fituesëve

Pra, duket qartë, pastër dhe pa gabime se kampioni është, ashtu siç pritej, streamer-i 21 vjeçar i Fortnite Tfue, i cili shpallet kështu streamer-i më i madh i 2019.