Studioja ka publikuar planet financiare të katër viteve të ardhshme.
Studioja ka publikuar planet financiare të katër viteve të ardhshme.
Starbreeze Studios thotë se do të lançojë lojën e plotë të Payday deri në 2023. Gjithsesi sipas një raporti financiar nga zhvilluesi suedez, loja mund të vijë më herët se ç’mendohet, me një periudhë lançimi nga 2022-2023 për Payday 3.
Si pjesë e rikonstruktimeve të vazhdueshme të studios, Starbreeze vlerësoi të ardhurat e saj për katër vitet e ardhshme. Starbreeze gjithashtu tha se pret që të finalizojë një marrëveshje publikimi për Payday 3 në gjysmën e parë të 2020s dhe të sigurojë të financat për të zhvilluar lojën. Starbreeze tha se ka të njejtin plan për zhvillimet e mëtejshme të Payday: Crime War, versionin mobile të serive.
Starbreeze është shprehur se Payday 3 ka qenë në prodhim e sipër prej vitesh. Në 2017, CEO i studios, Bo Andersson Klint, tha: “Me kënaqësi të madhe njoftoj që ka filluar puna me Payday 3 dhe loja është në një stad të përfunduar të dizajnit.” Gjithsesi ai gjithashtu theksoi që të tregonim durim: “Do të mbarojë kur të mbarojë. Nuk mund ta ngusim Payday 3.”
Loja e mëparshme në këto seri, Payday 2, u lançua fillimisht në 2013 në PlayStation 3, Windows PC dhe Xbox 360. Loja që në atë pikë ka ardhur edhe në Linux, PlayStation 4 dhe Xbox One me versionin më të fundit për Nintendo Switch që erdhi në shkurt të 2018s.
Në dhjetor të 2018s, Starbreeze Studios kërkuar ristrukturim si shkak i problemeve financiare të kompanisë. Në një konferencë për shtyp, Starbreeze tha: “Rikonstruktimi po vazhdon dhe kompania ka si qëllim të prezanojë një plan rikonstruktimi së shpejti.”
Mbetet të presim edhe disa vite për Payday 3 pra.