Fansat që mezi po e presin sezonin e dytë të The Witcher duhet të jenë të lumtur të zbulojnë se Industrial Light and Magic, studioja për efektet vizuale e George Lucas, është duke kontribuar në produksionin e sezonit të ri.
Kjo nuk do të thotë që do të fillojmë të shohim X-wings dhe luftëtarë TIE nëpër pyjet e Nilfgaard, por ja vlejmë të përmendim se ILM ka qenë faktor kyç në efektet vizuale të thuajse çdo filmi të Star Wars. Studioja gjithashtu ka punuar në filma si Jurassic Park, Men in Black, seritë e Pirates of the Caribbean , Pacific Rim etj.
Siç raporton edhe Redanian Intelligence, studioja ka fituar 16 Academy Awards për punën e saj në efektet vizuale dhe varietet e llojit të punës që ka bërë janë të gjera. Natyrshëm të punuarit në botën e The Witcher nuk duhet të jetë aspak problem për ta.
Produksioni i The Witcher Season 2 u pezullua më herët gjatë këtij viti për shkak të pandemisë së COVID-19, por puna do të rifillojë këtë muaj.