Star Citizen ka mbledhur më shumë se $250 milionë

Ekzaktësisht $252,117,980

Mbase jo të gjithë e dini se çfarë është Star Citizen, por gjithsesi loja ka arritur një shifër marramendëse, duke mbledhur më shumë se $250 milionë nga 2,451,969 mbështetësit e saj. 9 milionë dollarë u mblodhën vetëm gjatë nëntorit, i cili ishte muaji më i mirë i lojës, në muajin përpara eventit të fansave CitizenCon.

Për një krahasim më të kuptueshëm, me kaq para mund të krijoni Grand Theft Auto 5, mund të bleni 2 kopje të Mona Lisa, ose mund të bleni një flotë të tërë me Cybertrucks.

Këtë muaj, një planet i ri do të shtohet në Star Citizen i quajtur microTech, i emërtuar pas korporatës microTech që e ka në pronësi. Vitin tjetër në lojë do të shtohet një mode i ri 20v20 në seksionin multiplayer FPS të quajtur Theatres of War. Kushedi se sa para të tjera do të mbledhin…