Nuk ju nevojitet më një Pixel për të luajtur Stadia.
Nuk ju nevojitet më një Pixel për të luajtur Stadia.
Google Stadia do të zgjerohet në platforma të reja telefonike këtë javë, përfshirë këtu modelet më të fundit të Samsung Galaxy dhe paisjeve të tjera të Android. Që pas lançimit të saj në nëntor, Stadia ka qenë e disponueshme vetëm për një bashkësi të vogël telefonash. Duke filluar nga kjo e enjte, në 20 shkurt, aplikacioni do të funksionojë në 20 modele në total. Ja ku është lista e plotë e tyre:
Lista bashkon modelet Google Pixel 2, 3 dhe 4 për të sjellë lineup-in e tanishëm të Stadia Handhelds. Ende nuk ka lajm për kompatibilitetin me iOS. Gjithsesi ju mund ta shkarkoni aplikacionin e Stadia në iOS. Kjo ka qenë e mundur që kur u lançua, vetëm se nuk mund të luani akoma lojëra në të.
Muajt e parë për Stadia nuk kanë qenë më të mirët, pasi prurjet e lojërave të reja janë ngadalësuar shumë që pas rreth një dyzine që erdhi në lançim. Google ka premtuar se 120 lojëra do të vijnë në platformë për këtë vit, gjë që duket mirë… deri në momentin kur kupton se konkurentët e saj sollën rreth 500 lojëra në 2019. Plus kemi dhe konsolat e reja nga Microsoft dhe Sony.
Beteja mes platforma të ndryshme mbetet e fortë, por edhe Phil Spencer, kreu i Xbox, ka pranuar se është Google dhe Amazon dhe jo Sony dhe Nintendo që sheh si konkurentë kryesorë. Duket budallik po ta thuash tani, por nëse cloud gaming është e ardhmja, atëherë ai mund të ketë të drejtë dhe Stadia mund të ketë një mundësi për tu rritur.