Kemi patur të bëjmë me disa njoftime lojërash gjatë verës, që kanë zëvendësuar atë impaktin e madh të E3 dmth, por jo çdo botues i ka bërë publike planet e tyre. Përtej një teaseri të shkurtër mbi Project Athia në eventin e PlayStation 5, Square Enix ka qenë përgjithësisht shumë i heshtur për planet që ka mbi gjeneratën e ardhshme, por si duket këto plane do të bëhen të ditura përgjatë dy muajve të ardhshëm.
Në një mbledhje aksionerësh, Square Enix konfirmoi për investitoret e saj se kishte planifikuar një konferencë për shtyp në E3, por nuk ishte gati ende për të sjellë një zëvendësim të këtij varianti. Për këtë arsye kompania do të njoftojë lojërat e planifikuara në njoftime më vete përgjatë muajve korrik-gusht.
Në këtë pikë mund të bëjmë disa hamendësime të forta se cilat lojëra ka për të sjellë Square Enix. Nga ana japoneze, kanë kaliuar thuajse katër vite që nga loja e fundit e Final Fantasy dhe nga ana më perëndimore të themi, serive si Tomb Raider dhe Deus Ex ju ka ardhur rradha.
Square Enix gjithashtu ka disa lojëra të tjera në plan për të cilat nuk kemi dëgjuar edhe aq shumë, përfshirë këtu një version remastered të lojës origjinale të Neir and the Platinum, Babylon’s Fall.