Square Enix do të lançojë Dying Light 2. Më shumë detaje vijnë në E3

Square Enix ka njoftuar në një konferencë për shtyp se është në bashkëpunim me Techland Publishing për të sjellë Dying Light 2. Vazhdimi i lojës post-apokaliptike Dying Light u njoftua në E3 vjet dhe duket se në E3 e sivjetshëm do të marrim më shumë informacione rreth saj.

Ed Lin, kreu i marketingut te Techland, thotë se studioja është e emocionuar të bashkojë forcat me Square Enic, duke deklaruar se: “ky partnership përfaqëson një mundësi të paparë për të dyja kompanitë në sjellien e lojës.”

Gjithashtu është indikuar se konferenca e studios në E3 ka për t’ju sjellë shumë gjëra fansave.

“Loja do të jetë projekt inovativ dhe ambicioz dhe ne besojmë se lojtarët do të jenë shumë të kënaqur me atë që do të marrin. Kjo lojë përshtatet shumë mirë me portofolin tonë dhe mezi po presim që të tregojmë më shumë rreth saj në E3”

Ky zbulim nuk vjen si ndonjë çudi e madhe, kur merr parasysh se loja ishte super lajm në E3 e vjetshëm dhe faktin që nuk kemi dëgjuar thuajse asgjë rreth saj prej kohësh. Nuk kemi ende një datë fikse lançimi për Dying Light 2, por me shumë mundësi do ta zbulojmë në E3.

Ajo që dimë është se Dying Light 2 do të na sjellë shumë tipare të reja që shkojnë më larg se origjinali. Square Enix konfirmoi në Twitter se kur të paraqitet në E3 do të flasë për Dying Light 2 dhe se konferenca e tij do të mbahej në 10 qershor. Le të presim edhe pak pra.