Shumë videolojëra po kthehen në seri të animuara dhe kësaj here është radha e Splinter Cell
Shumë videolojëra po kthehen në seri të animuara dhe kësaj here është radha e Splinter Cell
Në fillim të muajit korrik, Fraser bëri të ditur se Ubisoft po i sjell zvarrë fansat e Splinter Cell duke u shprehur se kanë kaluar 7 vite pa asnjë lajm për planet e tyre në lidhje me ketë videolojë. Edhe pse nuk ka asnjë shenjë për ndonjë lojë të re të serisë së Splinter Cell, është raportuar që Ubisoft të ketë krijuar një kontratë me Netflix për të krijuar një seri të animuar të videolojës Splinter Cell.
Splinter Cell është një videolojë stealth-action e cila debutoi para pothuajse 20 vitesh dhe për një kohë të gjatë ka qënë një prej videolojërave më të njohura të Ubisoft. Pas lojës së fundit Splinter Cell Blacklist në vitin 2013, ka patur një mal me fjalë rreth rikthimit të kësaj loje dhe më e fundit ka qënë shfaqja e Sam Fisher në lojën mobile Elite Tactics.
Seria e animuar e kësaj loje do të shkruhet nga njëri prej krijuesve tw John Wick, Derek Kolstad i cili po punon në një numër të madh projektesh në fushën e gaming si filmi i Just Cause, TV series My Friend Pedro dhe serinë e Hitman për Hulu. Derek Kolstad do të jetë producent ekzekutiv dhe sipas raporteve të ndryshme që kanë qarkulluar, mendohet se do krijohen 16 episode për 2 sezone. Akoma nuk kemi një konfirmim nga Ubisoft dhe Netflix për këtë bashkëpunim por mendohet se do të bëhet publike së shpejti.