Gjatë 8 sezoneve dhe 73 episodeve, Game of Thrones u bë një nga shfaqjet televizive më të shikuara dhe më të diskutuara të të gjitha kohërave. Seriali përfundoi në Maj të vitit të kaluar, por shumë përpara se të shfaqej episodi i fundit, HBO kishte deklaruar se po zhvillonte një numër serialesh spin-off. Bota e krijuar nga George R. R. Martin është masive dhe potenciali për histori të tjera në periudha dhe vedndndodhje të ndryshme është qartazi e madhe.
Shumica e fansave prisnin që ‘spin-off’-i i parë të ishte ai që kishte arritur në fazën pilot, me shkrimtaren e Kingsman, Jane Goldman duke vepruar si ‘showrunner’ dhe Naomi Watts në rolin kryesor. Sidoqoftë nuk ishte e thënë të ndodhte; në Tetor u njoftua se edhe pse piloti ishte xhiruar, HBO nuk do të vazhdonte përpara me serialin. Ndërsa kjo ishte diçka befasuese, shoku deri diku u zvogëlua nga njoftimi i njëkohësishëm se një tjetër spin-off, i titulluar House of the Dragon, i ishte dhënë një urdhër i për zvhillimin e një sezoni të plotë.
Ndërsa është ende herët për të nisur numërimin prapsh të lançimit të këtij seriali, ne tashmë dimë disa gjëra në lidhje me të. Njoftimi fillestar dha disa detaje të tregimit, dhe shefi i programimit të HBO, Casey Bloys, kohët e fundit zbuloi disa informacione shtesë. Pra, këtu kemi gjithçka që dimë deri tani në lidhje me House of the Dragon.
Kur është data e lëshimit të House of the Dragon?
Nuk ka ende një datë të konfirmuar premierë për House of Dragon. Sidoqoftë, në një event të fundit të Television Critics Association, shefi i programimit të HBO, Casey Bloys deklaroi se viti 2022 ishte “supozimi më i mirë” i tij se kur mund ta shohim shfaqjen.
Sa episode do të jenë?
Sezoni i parë i House of Dragon do të ketë 10 episode.
Kush po e bën serialin?
House of the Dragon është bashkë-krijuar nga George RR Martin dhe Ryan Condal, i cili është më i njohur për serinë e mirënjohur sci-fi Colony, e cila u zhvillua për tre sezone deri në vitin 2018. Condal do të ndajë edhe përgjegjësitë e serialit me Miguel Sapochnik, i cili drejtoi disa episodet kryesore të Game of Thrones, duke përfshirë “Battle of the Bastards”, “The Long Night” dhe “The Bells”. Sapochnik do të drejtojë gjithashtu episodin pilot të House of the Dragon, si dhe disa episode të mëvonshme.
Cili është kasti i aktorëve?
Ende nuk është shpallur kasti për House of the Dragon. Por mos prisni të shihni ndonjë nga ndonjë prej kastit të Game of Thrones, shfaqja është vendosur 300 vjet më parë, dhe megjithëse Targaryens do të jenë në fokus, aktorja e Daenerys, Emilia Clarke i tha Jimmy Fallon në Tetor se ajo nuk do të jetë pjesë e ‘spin-off’-it.
Për çfarë flet House of the Dragon?
House of the Dragon do të vendoset 300 vjet para ngjarjeve të Game of Thrones. Shfaqja do të marrë frymëzimin e saj kryesor nga libri i Martin, Fire & Blood, (lëshuar në 2018-ën) i cili flet për historinë e ngritjes së House Targaryen. Libri është shkruar si një historik, me tekstin që lëviz nëpër dekada për të dokumentuar çdo sundimtar të njëpasnjëshëm Targaryen dhe betejat, marrëdhëniet dhe konfliktet e ndryshme familjare. Nëse seriali do të marrë këtë qasje apo do t’i përmbahet një epoke të veçantë mbetet për tu parë, por në të njëjtën mënyrë, është një udhërrëfyes mjaft i detajuar mbi të cilin mund të bazohet shfaqja e re.
Ka ndonjë teaser ose trailer që mund të shohim?
Trailerët dhe imazhet janë edne larg, duke pasur parasysh që shfaqja ende nuk ka nisur prodhimin. Por HBO ka publikuar një poster elegant të cilin e patë në fillim të këtij artikulli.
A do të ketë më shumë ‘spin-off’-e?
Në fillim të vitit 2018, u raportua se kishte pesë spin-off të Game of Thrones në zhvillim nga HBO. Ne e dimë që shfaqja me aktorët Naomi Watts nuk po ndodh, ndërsa nuk ka pasur ‘update’-te të mëtejshme për statusin e ndonjë seriali tjetër. Por nëse House of Dragon është një hit, atëherë është shumë e mundur që edhe më shumë shfaqje të fillojnë xhirimin. Game of Thrones mbetet një nga pronat televizive më të famshme në botë, dhe HBO nuk ka gjasa të ndalojë së investuari në ekskluzivitetet e saj së shpejti.