Bashkë me një remaster të Spider-Man për PS5.
Bashkë me një remaster të Spider-Man për PS5.
Sony ka treguar gameplay-in e parë për Spider-Man: Miles Morales, bashkë me një datë lançimi. Loja do të vijë bashkë me PlayStation 5 në 12 nëntor.
Loja është e vendosur një vit pas eventeve të lojës së mëparëshme të Spider-Man. Ajo do i vendosë lojtarët në vendin e Miles Morales, bashkë me aftësi dhe fuqi të reja.
Në trailer, Miles përballet me një antagonist të ri: Tinkerer. Videoja duket të tregojë të gjitha efektet vizuale që PlayStation 5 do të ofrojë krahasuar me PS4 dhe si do të ndryshojë combat-i i Miles si Spider-Man në krahasim me Peter Parker në lojën e mëparëshme.
Në aspekte të tjera pastaj loja ngjan shumë me origjinalen e PS4, me combat aerobatik kundër armiqve dhe sigurisht elementi i rrjetave të hedhura për të naviguar mes mjediseve.
Përveç trailerit të gameplay-it, Sony gjithashtu mundësoi informacione të mëtejshme për lançimin e Spider-Man: Miles Morales, që do të jetë i disponueshëm në PlayStation 4 dhe PlayStation 5.
Sony gjithashtu njoftoi se do të lançonte Spider-Man: Miles Morales Ultimate Edition për PlayStation 5, që do të përfshijë një version remastered të lojës origjinale të Spider-Man me përmirësimet e shumta që ka marrë Miles Morales si: ray-traced reflections, load times më të shpejta etj.
Spider-Man: Miles Morales do të kushtojë $49.99 si për PS4 dhe për PS5. Spider-Man: Miles Morales Ultimate Edition pastaj do të kushtojë $69.99.