Spellbreak, loja fantazi battle royale free to play ka qenë në zhvillim prej disa kohësh dhe tani po përgatitet për një lançim të plotë në datë 3 shtator. Ky njoftim vjen bashkë me një trailer kinematik që mund ta shikoni më poshtë:
Normalisht trailerat kinematikë nuk janë ndonjë gjë shumë emocionuese, por ky është fantastik, plus tregon edhe gameplay të miksuar me disa animime. Traileri fillon me disa figura të forta që po hidhen përpjetë duke treguar fuqitë e tyre, me një muzikë të shkëlqyer në sfond.
Fuqitë në Spellbreak janë goxha argëtuese. Në këtë battle royale ju jeni një magjistar, dhe mund të armatoseni me objekte të ndryshme që ju japin fuqi zjarri, arkulli, erë, tokë, elektriciteti etj. Ju mund t’i kombinoni këto sipas interesave tuaj.
Nëse nuk mundët të luani Spellbreak gjatë fazave beta të saj, ju do të mund ta luani atë falas në datë 3 shtator.