Spectator Mode do të vijë së shpejti në lojën Fortnite

Spectator mode është afër…

Epic Games ka dërguar ftesat krijuesve të botës së gaming për të marrë pjesë në një event privat testimi në Los Angeles, për tiparin spectator në Fortnite. Spectator mode është bërë zyrtare për content creators dhe pro players, teksa janë ftuar të testojnë këtë tipar të ri përpara se të vijë për publikun.

Të ftuarit do të shfaqen në një event i cili do të mbahet në Los Angeles të Kalifornisë gjatë javës së parë të muajit shkurt. Lojtarët do të testojnë jo vetëm spectator mode, por edhe tipare të tjera.

Praktikisht ftesa thotë: “A jeni i interesuar pët t’ju bashkuar Epic Games për një testim ekskluziv të Fortnite në Los Angeles, Kaliforni? Nëse përzgjidheni do të luani ndeshje specifike për të na ndihmuar ne të testojmë tipare ende të papublikuara të lojës dhe sende që do të përdoren në evente të ardhshme. Në shenjë mirënjohjeje, Epic do të garantojë ushqim dhe V-Bucks falas për ndihmën tuaj në përmirësimin e planeve tona.”

Mendohet se vetëm qytetarët e LA po i marrin këto ftesa, sado që kjo nuk është konfirmuar zyrtarisht. Spectator mode duket si një tipar mjaft interesant dhe mezi po presim që të marrim më shumë informacion rreth mënyrës së funksionimit.