Sot fillojnë uljet e dimrit në Steam

Koha për të zgjeruar galerinë e lojërave në PC.

Steam Winter Sale 2019 fillon sot. Valve e konfirmoi datën për këtë pak ditë më parë, si njoftim në Steam Awards që u mbajtën këtë vit. Një orar fiks ende nuk dihet, por mund të hamendësojmë se ofertat do të jenë live rreth orës 7pm.

Përmes një postimi në Twitter, Valve është duke përgatitur përdoruesit e tij për uljet e mëdha që do të vijnë këtë dimër. Mendohet se me mijëra lojëra për PC do të jenë në oferë. Këto oferta do të zgjasin për 14 ditë, duke e çuar rrjedhimisht datën e mbylljes së këtyre ofertave në 2 janar të 2020s. 

Nëse keni ndërmend të shtoni disa lojëra të reja në katalogun tuaj të PC, nuk ka patur kurrë kohë më të mirë se kjo për ta bërë.