Sony hedh shenja drejt zbulimit të PlayStation 5 në fund të Shkurtit

Është zbuluar më herët që PlayStation po merr pjesë në eventin Pax East 2020 si një ekspozues. Eventi do të zhvillohet nga 27 Shkurti deri më 1 Mars

Vitin e kaluar, PlayStation bëri një paraqitje në eventin Pax East. Një nga pikat kryesore të ekspozitës së tyre ishte stenda e tyre e Days Gone. Ata shfaqën lojën survival action-adventure në mënyrë të shkëlqyeshme. Lojtarëve u është ofruar gjithashtu një pjesëz ekskluzive e Days Gone nëse ata përfunduan një demo të lojës.

PlayStation gjithashtu tregoi aftësitë e PlayStation VR. U krijuan tetë demonstrime të cilat përfshinin Vacation Simulator dhe Trover Saves the Universe. Ata gjithashtu prezantuan PlayStation Gear Store. Dyqani kishte koleksione të tilla si bluza Days Gone, veshje dhe artikuj të tjerë.

Shumë lojëra të tjera të PlayStation 4 ishin në dispozicion për tu luajtur në këtë event, përfshirë Control, Layers of Fear 2, Mortal Kombat 11 dhe Falcon Age.
Me ardhjen e PlayStation në Pax East këtë vit, fansat po spekulojnë se çfarë do të ofrojë gjigandi i lojërave. Gjëja e parë që ju vjen në mendje është padyshim diçka që lidhet me PlayStation 5.

Ende nuk kemi marrë ndonjë informacion zyrtar lidhur me eventin e zbulimit të PlayStation 5. Leaks-at sugjeruan që ky event në të vërtetë mund të ishte në muajin Mars sesa muaji i përfolur i Shkurtit.

Do të kishte kuptim që Sony të zbulojë PlayStation 5 para eventit Pax East. Kjo do t’i lejonte ata të zbulojnë shumë më tepër përmbajtje pa asnjë kufizim. Sony gjithashtu duket se po pret që Microsoft të njoftojë çmimin e Xbox Series X. Pasi të përcaktojnë çmimin për PlayStation 5, ata mund të presin eventin e tyre të zbulimit për konsolin e gjeneratës tjetër.

Muajin e kaluar u zbulua se Sony Interactive Entertainment nuk do të marrë pjesë në E3 2020. Ata deklaruan se drejtimi që po merrte eventi nuk përputhej me atë që kishin planifikuar për këtë vit. Sony tregoi një interes për të marrë pjesë në evente të tjera për konsumatorët për të shfaqur lojërat e tyre të ardhshme. Duket se Pax East është një nga ato evente dhe shpresojmë që Sony të ketë diçka interesante për ne.