Sony zbulon një attachment të ri me dy butona për DualShock 4

Duket se Sony ka marrë disa ide nga Xbox Elite Wireless Controller

Sony ka marrë një prej veçorive më të mira të Xbox Elite wireless controller dhe e ka shtuar në DualShock 4. I quajtur zyrtarisht “Back Button Attachement“, ky aksesor i cili kushton $30 është një set butonash të programueshëm për të kryer 16 përdorime të ndryshme sipas preferencave të përdoruesit.

“Ky attachment i ri e ngre nivelin e gameplay-t tuaj duke sjellë më shumë diversitet dhe performancë, por duke ruajtur ndjesinë dhe rehatinë e DualShock 4,” – thotë Sony.

Ende pritet të shohim nëse ky attachement do të mund të rivalizojë me controller-in Xbox Elite Series 2. Padyshim që nuk do e bëjë DualShock 4 një controller luksoz, por mundësia për të ndryshuar butonat në pjesën e mbrapme në çdo komandë të ndryshme është padyshim një veçori shumë e mirë.

Përdoruesit mund të ruajnë konfigurimet e tyre në tre profile të ndryshme. Ka gjithashtu një ekran OLED i cili tregon në kohë reale se si janë programuar butonat në pjesën e mbrapme. Gjithashtu, ka edhe hapësirë për një kabëll kufjesh 3.5mm.