Bisedat tuaja nuk do të dëgjohen në mënyrë aktive.
Bisedat tuaja nuk do të dëgjohen në mënyrë aktive.
Sony ka sqaruar disa detaje përsa i përket njoftimit kontradiktor për regjistrimet e voice chat në PlayStation. Kjo pasi disa përdorues filluan të besojnë se kompania do të regjistronte bisedat dhe do i moderonte ato në grupe private.
Në një postim blogu të publikuar të premten, Catherine Jensen, zëvendës presidentja e Sony për eksperiencën globale të konsumatorit, pranoi se kompania duhet ta kishte shpjeguar më qartë se pse ky funksion do të aktivizohej.
Jensen tani konfirmon se Sony nuk do të dëgjojë në mënyrë aktive voice chats kur kjo veçori të lançohet në PS5 muaji e ardhshëm: “Qëllimi i vetëm i saj është të ndihmojë në raportimin e sjelljes së papërshtatshme, përfshirë këtu veprime që bien kundër Community Code of Conduct,” shkruan ajo. “Vini re se kjo veçori nuk do të monitorojë në mënyrë aktive ose të dëgjojë bisedat tuaja. Është e rezervuar vetëm për të raportuar abuzimet online ose ngacmimet.”
Kompania thotë se kjo veçori do të regjistrojë pesë minutat e fundit të voice chat-it privat. Në këtë mënyrë nëse një përdorues haset me një sjellie të papërshtatshme, ose që i vjen ofenduese, ata mund të bëjnë submit një klip 40 sekonda që ekipi i monitorimit të Sony ta shikojë. Kjo do të përfshijë 20 sekondat ku mendohet se është demonstruar sjellja e papërshtatshme dhe 10 sekonda para dhe mbrapa për të dhënë pak më shumë kontekst.
“Këto mund të raportohen në mënyrë direkte përmes konsolës së PS5 dhe do të dërgohen në ekipin e Consumer Experience për moderim të mëtejshëm, të cilët më vonë do të dëgjojnë këto regjistrime dhe do të marrin masa nëse do të jetë e nevojshme,” shpjegon Jensen.
Ajo vijon të thotë se nuk do të ketë një opsion për ta shmangur voice chat recording, sepse Sony do që “të gjithë përdoruesit të ndjehen të sigurtë kur luajnë me të tjerët online”.