Sony nuk do të ketë një program të përditësuar për të luajtur lojërat e PS4 në konsolën e gjeneratës tjetër, sipas një interviste me SIE Japan në faqen japoneze Gamespark. Në vend të kësaj, kompania raportohet se do t’i lejojë botuesit të vendosin se si dhe kur të ofrojnë upgrades cross-gen.
Kjo do të thotë që studiot mund të ofrojnë upgrade-in, por nuk do të jenë të detyruara ta bëjnë këtë gjë. PS5 raportohet se nuk do të ketë një sistem të unifikuar dhe Sony do të sigurojë vetëm suport për ata që vendosin vetë të ofrojnë cross-upgrade. Por lojërat në PS4 të paraqitura pas 13 korrikut thuhet se duhet të jenë në përputhje me PS5.
Madden NFL 21 u njoftua të merrte një upgrade falas për PS5 dhe Xbox Series X, kështu që shumë dyshuan nëse Sony do të ofronte një shërbim të ngjashëm me Smart Delivery të Microsoft-it. Me këtë shërbim, lojtarët mund të blejnë një lojë që funksionon në çdo konsolë Xbox që kanë ose ato të ardhshme.
Pronarët e versionit fizik të Madden NFL 21 në PS4 nuk do të jenë në gjendje të bëjnë një upgrade në versionin dixhital, nëse ata zgjedhin Digital Edition të PS5, sepse EA nuk mund të verifikojë pronësinë e një kopje fizike pa ekzistimin e diskut.
Microsoft, nga ana tjetër, nuk e mandaton Smart Delivery gjithashtu, kështu që fansat duhet të presin një sasi të mirë lojërash me backwards compatibility për PS5 dhe Xbox Series X gjithsesi. Sony tashmë ka sqaruar në një postim në blog se backwards compatibility do të jetë një tipar i PS5 me një “shumicë dërrmuese prej 4,000+ lojërash të PS4”.