Sony ka shitur deri tani 7.8 milion PS5

Sony sapo publikoi raportin e saj tremujor të fitimeve, duke na dhënë një vështrim se sa PlayStationsa ka shitur gjatë tre muajve. Në këtë pikë, Sony ka shitur 7.8 milion PlayStation 5, duke rritur të ardhurat e lojrave në një nivel të ri.

Deri në fund të vitit 2020, Sony kishte shitur 4.5 milion PS5, që do të thotë se 3.3 milion njësi të tjera janë shitur midis janarit dhe marsit 2021. Numrat me gjasë do të ishin shumë më të larta nëse furnizimi mund të vazhdonte sipas kërkesës nga lojëtarët. Tani, është akoma shumë e vështirë për të blerë një konzolë të gjeneratës tjetër. PS4 gjithashtu vazhdon  të blihet nga lojëtarët, duke arritur një tjetër milion njësi të shitura gjatë këtij tremujori. Numërohen që shitjet totale të jenë në shifrën 115.9 milion.

Sigurisht, lançimi i PS5 solli gjithashtu një nxitje në lojërat e rrjetit të Sony. PlayStation Plus është rritur në 47.6 milion abonentë, një rritje prej 14.7 përqind nga viti në vit.

Gjatë vitit të fundit fiskal, Sony shiti 58.4 milion kopje të lojërave të palëve të para. Sony pret që shitjet të vazhdojnëme këto ritme edhe në vitin e ardhshëm financiar, pasi ekskluzivitetet si “Horizon Forbidden West” dhe “The Next God of War” do të lançohen. Këto lojëra të reja do të sjellin gjithashtu një rritje të kostove për Sony, pasi kompania po planifikon të investojë edhe më shumë në zhvillimin e software-it.