Më në fund mund të kemi një ide më të qartë rreth tweet-it me kafshë të Sony, pasi adresa e Diablo në Twitter ka postuar diçka të ngjashme.
Postimi i Diablo shkruante: “janë në një kult” dhe tregonte ikona të një qeni, pule, vemjeje, dhie dhe një blete. Çdo kafshë përballet me një qiri. Fansat janë çmendur, duke bërë spekulime se Blizzard Entertainment është duke hedhur shenja drejt një gameplay të ri për Diablo 4. Përfshirja e Sony nga ana tjetër, mund të nënkuptojë që do të jetë për një prezantim të ardhshëm të PlayStation 5.
Fansat ishin të shpejtë të bënin reply në tweet dhe skuadra e Blizzard vazhdoi të kënaqej duke kthyer përgjigje me më shumë imazhe kafshësh. Kjo i shtoi edhe më shumë spekulimet, pasi Blizzard ende nuk i ka njoftuar personazhet e plota që do të vijnë në Diablo 4. Fansat i kanë marrë këto mesazhe si të dhëna.
Nga ana tjetër, fansat janë gjithashtu të zhgënjyer se këto të dhëna ishin për një lojë tashmë të zbuluar. Shumë lojëra të tjera si Horizon Zero Dawn 2 dhe God of War 2 ishin linked me tweet-in gjithashtu.
Nëse i futemi edhe më thellë gjërave pastaj, Blizzard ka postuar vetëm disa nga kafshët në tweet-ine Sony dhe ka shtuar disa të reja. Dinozauri në postimin origjinal që u asocioua me vazhdimin e Horizon Zero Dawn është ende aty. Gjithashtu, breshka dhe karakaleci që u lidhën me God of War dhe Naughty Dog mungojnë. Pra të gjitha këto mund të jenë lojëra që do të zbulohen në prezantimin e PlayStation 5.
Ende nuk ka një datë të konfirmuar për këtë prezantim. Shumë thashetheme dhe leaks sugjerojnë se do të ndodhë muajin e ardhshëm, por vetëm Sony e di se kur do të ndodhë ekzaktësisht. Për Diablo 4 nga ana tjetër, loja pritet të lançohet për PS4, Xbox One dhe PC në 2021.