Të bërit stream është bërë tashmë një fenomen shumë i përdorur. Gjenerata e tanishme preferon më mirë të bëjë stream diçka se sa ta blejë atë. Kjo mund të jetë e aplikueshme në filma, seriale, por sot edhe në gaming. PlayStation Now është ajo çfarë Sony ka bërë për këtë fenomen. Kompania ka premtuar që me PlayStation 5 do ta përforcojë edhe më shumë këtë shërbim.
PlayStation Now ka kohë që ka ardhur. Dikur mbante vetëm lojërat e PlayStation 3 për stream, por me kalimin e kohës filloi të vinte lojëra më kontemporane. Gjithsesi PlayStation Now nuk ka patur ndonjëherë të njejtin impakt me Xbox Game Pass. Ky i fundit shpesh konsiderohet dhe si Netflix i gaming.
Pjesa e konkurencës mes Xbox dhe PlayStation mund të jetë arsyeja pse Sony ka vendosur ta çojë PlayStation Now më përpara. Planet e tyre duket të jenë të programuara për PlayStation 5.
Deri në pikën kur PlayStation Now të ofrojë lojëra të reja në vend të të vjetrave, nuk do të arrijë kurrë të konkurojë me Xbox. Maksimumi do të jetë një vizitë nostalgjike për disa lojtarë. Pra jo një shërbim i duhur streaming për lojtarët.
Kjo është arsyeja pse konfidenca që Sony ka treguar për PlayStation Now sugjeron plane të mëdha nën mëngë. Na mbetet të presim momentin kur do të dalë.