Sony mund të zbulojë listën e lojërave next-gen në qershor

Koha po afron.

Fansat e PlayStation mund të mësojnë më shumë informacion për lojërat e gjeneratës së ardhshme të Sony, pasi kompania ka planifikuar disa evente të vazhdueshme këtë verë. Kjo sipas një raportimi të bërë së fundmi.

Teksa e kemi një farë ideje se çfarë do të ketë brenda PS5, Sony ende nuk ka publikuar një render të konsolës ose lojërat të cilat ne duhet të presim prej saj. Gjithsesi, për muajin e ardhshëm, komania ka planifikuar disa evente publike, ku do të zbulojë më shumë prej këtyre informacioneve.

Një prej ktëyre eventeve të Sony është planifikuar për në 4 qershor, por raportimet sugjerojnë se kompania mund ta shtyjë këtë të fundit, teksa ende qëndron në linjën e mbajtjes së tij brenda qershorit.

Teksa ende nuk dihet se si kjo gjë ka për ti ndikuar planet e Sony, zhvilluesi mendohet të kishte planifikuar të tregonte listën e të gjitha lojërave të gjeneratës së ardhshme në të.

Sony nuk ka konfirmuar akoma se kur do e tregojë produktin fizik të konsolës, por kompania gjithashtu ka një video State of Play të planifikuar për në fillim të gushtit. Këto video zakonisht përdoren për të sjellë lojëra të reja në botën e PlayStation. Si gjithmonë mbetet të presim për informacione shtesë nga ana e Sony tani.