Drejtuesit e Sony, Microsoft dhe Nintendo, praktikisht 3 rivalët më të mëdhenj të industrisë, u bashkuan në skenë për herë të parë pas shumë kohësh te The Game Awards.
Përkatësisht Phil Spencer, koka e Xbox në Microsoft; Reggie Fils-Amie i Nintendos; dhe Shawn Layden nga Sony PlayStation u bashkuan për ti dhënë nisjen shfaqjes.
E gjithë situata ishte vërtet e mrekullueshme, pasi përcolli moralin se gaming është një koncept që të gjithë e ndajmë së bashku dhe se do vazhdojnë të qëndrojnë të dedikuar ndaj projekteve për audiencën e tyre.
Geoff Keighley, organizatori i The Game Awards, u shpreh se kishte rreth pesë vite që pëpiqej ta bënte këtë të ndodhte. “Kurrë nuk mendova se do e shihja një gjë të tillë të ndodhte në realitet, por ja që u bë e mundur.” Është vërtet e admirueshme ti shohësh të tre të qëndrojnë së bashku për të njejtën kauzë. Një gjë kjo që nuk mendojmë se do e harrojmë kurrë.