Forumet zyrtare të PlayStation dikur ishin shtëpia për disa nga entuziastët më të dashur të lojërave. Duket sikur shtëpia është shkatërruar teksa Sony Interactive Entertainment po i mbyll të gjitha forumet zyrtare të PlayStation.
Në një deklaratë të përzemërt dhe emocionuese, Community Manager, Groovy_Mathew njoftoi mbylljen e forumeve. Kjo është ajo që ai kishte për të thënë:
Duke filluar nga 27 Shkurti, forumet e PlayStation.com nuk do të jenë më të disponueshme.
Ai vazhdoi:
Ne ju ftojmë të vazhdoni bisedën përmes PlayStation.Blog, Twitter, Facebook dhe Instagram. Për suport ndaj produktit, ju lutemi vizitoni faqen e support, Playstation.com/help/.
Fansat i thanë lamtumirën e tyre në thread-in e njoftimit dhe gjithashtu ndanë kujtime të dashura për forumet zyrtare. Por, këto forume ishin bërë vend që askush nuk i vizitonte më. Kanë kaluar ditët kur forumi zyrtar ishte i vetmi vend ku lojtarët mund të nxirrnin lojëra dhe pajisje të reja. Anëtarët e forumit ndanë një lidhje dhe takuan njerëz që kishin shije të ngjashme në lojëra video dhe media në përgjithësi.
Me rritjen e platformave të ndryshme të mediave sociale, forume zyrtare ngadalë u bënë të tepërta. Ishte më e dobishme të theksoheshin tendencat e mediave sociale në takimet e marketingut sesa në disa postime të rastësishme të forumit. Marrja e bisedës në këto platforma të reja dhe më të njohura duket si një vendim i mençur nga Sony.
Nga ana tjetër, mbyllja e forumeve zyrtare fiks para eventit lançues të PlayStation 5 (sipas aludimeve domethënë ) duket e pafavorshme.
Fansat më të zjarrtë kishin vetëm këtë vend për të folur rreth lëshimit të konsolës së gjeneratës tjetër. Do të mendonit që, platformat e shumëfishta për fansat e PlayStation për të përhapur lidhjet do të ishte e favorshme, edhe pse duket sikur Sony nuk mendon kështu.
Sepse të themi të drejtën, forumet kishin ca kohë që kishin vdekur. Edhe fansat deklaruan se ata rrallë ose kurrë nuk futeshin në forume këto ditë. Forumet zyrtare të PlayStation do të kujtohen akoma për ditët e lavdishme të PlayStation 2.