Ekskluzivja e PS4, The Last of Us Part II do të lançohet në datë 19 qershor. Kjo u konfirmua nga Sony në një postim të bërë në blogun e tij të hënën që lamë pas. Ghost of Tsushima, një tjetër lojë ekskluzive, do të pasojë me lançim në 17 korrik.
Vazhdimi i Naughty Dog për The Last of US, që doli në 2013n për PS3, ishte përllogaritur të vinte në 29 maj dhe Ghost of Tsushima për në qershor, pra vonesat e tyre u shtrinë vetëm në disa javë.
“Dua të falenderoj dhe të përgëzoj të dyja skuadrat te Naughty Dog dhe Sucker Punch Productions mbi arritjet e tyre, pasi e dimë se nuk është e lehtë të mbyllësh punë në kohë në rrethana të tilla,” shkruan Hermen Hulst nga Sony në postim.
“Të dyja skuadrat kanë punuar fort për të sjellë një eksperiencë të mirë për lojtarët në mbarë botën dhe mezi presim të dëgjojmë mendimin tuaj për to në pak muaj.”
Ditën e diel filluan të qarkullonin video nga The Last of Us 2 në internet. Këto të fundit përmbanin gameplay nga loja por edhe disa skena të mbushura me spoilers. Ata që mezi po e presin lojën do të ishte mirë t’i shmangnin këto video.
Naughty Dog postoi të hënën në Twitter se ishte “i zhgënjyer” për këtë leak.