Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Një film Madame Web? Morbius 2? Sinister Six? Ne thjesht po përmendim opsionet e Sony
Rrjeta e filmave të Sony në bashkëpunim me Marvel vazhdon të rritet. Studioja thuhet se ka planifikuar një “film të pacaktuar Marvel” në 8 Tetor 2021. Se cila pronë e Marvel do të vijë në ekranet tona në Tetor, mbetet një mister, por kjo nuk do të thotë që ne nuk mund të spekulojmë (siç bëjmë zakonisht kur nuk kemi lajme zyrtare nga publikuesit *wink wink*).
Lajmërimi u bë nga ERC, gjurmuesi i ‘box-office’, me Sony që nuk hyri më shumë në detaje. Tashmë në aludimet kryesore është Morbius dhe Venom 2 (të dyja që do të dalin më vonë gjatë këtij viti), plus bashkëpunimi i Sony me Marvel Studios, që do të sjellë Spider-Man 3, i cili ka një datë lançimi, 16 Korrik 2021.
Ekzistojnë disa opsione që mund të dalin në Tetor 2021. Më parë u raportua se një film Madame Web, i shkruar nga shkrimtarët e Morbius, Matt Sazama dhe Burk Sharpless, ishte në zhvillim tek Sony. Ishte folur gjithashtu për një film të Kraven the Hunter, i cili që nga ajo kohë është hedhur në harresë, dhe dy lëshime të tjera të veçanta të udhëhequra nga femrat: njëra për Black Cat dhe tjetra për Silver Sable. Dyshja kishin për qëllim që të luanin në një film së bashku, Silver & Black, por kjo u anulua në favor të dy filmave solo.
Është gjithashtu një film Sinister Six që ende është duke u planifikuar; diçka që ka qenë duke u folur për gati një dekadë tani. A mund të jetë më në fund koha për të filluar bashkimin e ekipit të keqbërësve? Në fund të fundit, kur të vijë Tetori i 2021-shit, Vulture, Morbius, Mysterio, Venom, dhe kushdo që paraqitet në Spider-Man 3, do të jenë futur të gjithë në këtë univers të çuditshëm të crossovers MCU/Spider-Verse.
Sido që të jetë, ne do e kemi situatën nën vëzhgim.
