Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Vitin e shkuar Sony theu traditën normale të ciklit të videolojërave, kur vendosën të mos merrnin pjesë në E3 2019. Në atë kohë shumë njerëz menduan se kjo do të ishte diçka e përkohshme, sepse Sony nuk kishte shumë gjëra për të treguar në 2019-n, por duket se e njejta gjë mund të ndodhë edhe këtë vit.
PlayStation nuk do të jetë në E3 2020. Ky raportim vjen nga Video Games Chronicle, që kanë qenë shpesh një burim i besueshëm informacioni në inudstrinë e gaming. Duket se askush nuk i ka thënë VGC lajmin se Sony do të jetë të shfaqje. Momentalisht, e gjithë situata është shumë në ajër.
VGC ka folur me skuadrën e Xbox në Microsoft dhe ata ishin nën përshtypjen se PlayStation nuk do të jetë sërish prezent në E3 dhe kishin në plan të përfitonin nga mungesa e kompanisë. Analisti i Wedbush Sevurities, Michael Pachter gjithashtu hodhi dyshimet e tij mbi prezencën e Sony në event. “Me sa di un ata nuk kanë në plan të shkojnë…Shpresoj që ta ndryshojnë mendjen, por jam skeptik.”
I gjithë ky informacion nuk duhet marrë menjëherë si i mirëqenë, por nuk do të ishte çudi nëse Sony nuk do të shfaqej në E3 2020. Mbetet të shohim se çfarë do të ndodhë më vonë.
Në të njejtën kohë mbetet vetëm një pyetje: Kur do e zbulojë Sony PlayStation 5? Kishte spekulime se do të zbulohej në CES 2020, por e vetmja gjë e re që doli aty ishte logoja, që ishte identike me atë të PS4. Eventi i rradhës në kalendarin e Sony është PlayStation Meeting, që zakonisht mbahet në muajin shkurt.
