Sony do të mbyllë serverat e SingStar në janar të 2020s

Sony Interactive Entertainment do të mbyllë serverat e SingStar, 15 vite pas lançimit të lojës së parë të këtyre serive.

Përdoruesit e SingStar do të kenë mundësi të luajnë offline dhe të përdorin të gjithë kontentin që kanë shkarkuar pas 31 janarit të 2010s, por në të njejtën datë do të përfundojnë të gjitha funksionet dhe veçoritë online të lojës.

Këngët nuk do të jenë më në shitje në PlayStation Store dhe çdo gjë që është bërë share deri tani në SingStar.com do të fshihet. Sony Interactive Entertainment i ka kërkuar përdoruesit që të shkarkojnë të gjitha blerjet dixhitale përpara 31 janarit të vitit të ardhshëm.

“Na pëlqeu të shikonim komunitetin tonë të rritej dhe kemi shumë kujtime të mira nga të punuarit me SingStar,” tha kompania. “Mbështetja juaj përgjatë viteve ka patur një domethënie shumë të madhe për ne.”

Singstar e bëri debutin e saj në PlayStation 2 në 2004n. Ky ishte një nga produktet kryesore që e çoi konsolën përtej audiencës tipike të meshkujve gamers. Loja shiti mbi 20 milion njësi, në një peridhë gjashtë vjeçare që nga lançimi i saj.