Të dyja konsolat pritet të lançohen njëherësh
Të dyja konsolat pritet të lançohen njëherësh
Një model Pro i Playstation 4 u lançua 3 vite pas ardhjes së kësaj gjenerate konsolash, diçka që Sony duket se dëshiron ta ndryshojë me Playstation 5.
Gjatë një livestream-i në YouTube para disa javësh, një gazetar japonez tha se kishte dëgjuar diçka mjaft interesante në Computer Entertainment Developers Conference (CEDEC) më herët këtë muaj. Sony duket se ka në plan të lançojë jo një, por dy modele të ndryshme të Playstation 5 njëherësh, që i përshtaten dy audiencave të ndryshme.
Modeli bazë do të ketë parametra më të ulëta dhe njëherësh do të jetë më i lirë. Në anën tjetër, modeli Pro do të jetë një konsolë shumë e fuqishme, e dizenjuar për përdoruesit më kërkues të konsolave. Megjithatë, kjo do të vijë dhe me një çmim të lartë. Ka pasur zëra të shumtë se gjenerata e ardhshme e konsolave do të jetë më e shtrenjtë dhe duket se kjo duket se do të jetë e vërtet nëse Playstation 5 Pro do të ketë një çmim shumë larg $400 në kohën e lançimit.
Kjo është hera e parë që raportohet se Sony po konsideron dy modele për konsolën e saj të gjeneratës së ardhshme, por kjo ide në fakt nuk është e re. Më herët është raportuar shpesh se Microsoft po punonte për të sjellë gjithashtu dy konsola. Project Scarlett thuhej se do të ishte një konsolë pa disk, e fokusuar te streaming ndërkohë që një tjetër model do të sjellë parametra high-end. Megjithatë, këto zëra duket se janë shuar dhe Microsoft mund të sjellë vetëm Project Scarlett.
Për sa i përket zërave të tjerë, Sony pritet të zbulojë Playstation 5 midis Playstation Experience 2019 dhe gjysmës së parë të 2020. Microsoft më pas do të zbulojë plotësisht Project Scarlett dhe të dyja konsolat do të lançohen së bashku në vjeshtë të 2020.