Pandemia e coronavirus ka sjell kaos në të gjithë industrinë e filmave, me produksione të pafundme që janë mbyllur dhe riprogramuar për një datë tjetër. Disa filma kanë patur të bëjnë me vonesa deri në një vit. Gjithsesi Sony na ka habitur të gjithëve kur njoftoi se filmi i Uncharted do të vijë më herët se ç’pritej.
Adaptimi i serisë së videolojërave për gjuetarin e thesareve Nathan Drake, që gjatë gjithë historikut të tij si film ka njohur vetëm vonesa, aktualisht do të vijë më herët. Nga data 8 tetor 2021, filmi tashmë do të vijë në 16 korrik 2021.
Filmi sjell Tom Holland në rolin e Nathan Drake dhe Mark Whalberg si mentori i tij Sully. Antonio Banderas gjithashtu do të luajë në film, në një rol që nuk e dimë, por që mund të hamendësojmë se është në atë të antagonistit.
Uncharted do të jetë nën regjinë e Ruben Fleischer (Zombieland, Venom) dhe nën skenarin e shkruajtur nga Art Marcum dhe Matt Holloway, skenaristët e Iron Man.