Në një livestream të mbajtur së fundmi për Madden NFL 21 në Twitch, Snoop Dogg luajti për 14 minuta. Pastaj u acarua dhe iku.
Ishte e gjitha një situatë mjaft komike pasi titulli i transmetimit ishte: “Sit Back, Relax, and Chill its a vibe in here”. Gjithsesi kur konsideron që pasi u çua e la livestream-in hapur për shtatë orë me një karrige bosh dhe muzikën që po luante në sfond, ndoshta edhe mund të konsiderohet i përshtatshëm.
Njerëzit u kënaqën. Videoja në fjalë madje mori edhe më shumë shikime se çfarë merr Snoop zakonisht.
Pas nja shtatë orësh e gjysmë Snoop futet në dhomë me një hoodie, e kupton që e kishte lënë transmetimin hapur tërë këtë kohë dhe e mbyll. Gjithsesi ato shtatë orë bosh ja vlejtën për këngët klasike soul dhe funk që Snoop kishte vënë.
Çfarë mund të themi tjetër. Të gjithë e duan këtë personazh.