ASUS ROG Phone 5 më në fund është shpallur zyrtarisht dhe ky smartphone është po aq mbresëlënës sa kishim menduar, madje edhe më shumë. Veçoria kryesore e Asus ROG Phone 5 është se vjen i optimizuar për lojëra duke iu ofruar një eksperiencë maksimale.
Specifikimet dhe dizajni janë si më poshtë.
LLOJET
ASUS ka vendosur të lançoi tre lloje të telefonit, ASUS ROG Phone 5, ROG Phone 5 Pro dhe ROG Phone 5 Ultimate, kjo e fundit është version i limituar. Sidoqoftë, e mira është që nuk kanë ndryshime drastike midis tyre.
PROCESORI DHE HAPËSIRA
Fillimisht, Snapdragon 888 ndodhet në të gjitha pajisjet. Sidoqoftë, modeli bazë fillon me 8 GB LPDDR5 RAM dhe shkon deri në 16; hapësira e telefonit fillon nga 128 dhe deri në 256 GB.
Sa i përket modelit Pro, ka një konfigurim 16/512 dhe versioni Ultimate është ai që do të ketë parametrat më të mira, duke pasur 18 GB RAM me një hapësirë ruajtëse prej 512 GB.
EKRANI
ROG Phone 5 pro vjen me një ekran të vogël të pigmentuar PMOLED të cilin ASUS e ka quajtur ROG Vision. Ai mund të përdoret për të shfaqur pamje ose mesazhe të personalizuara për njoftimet më të fundit. Nga ana tjetër, ROG Phone Ultimate ka një ekran njëngjyrësh.
ASUS ROG Phone 5 sjell një ekran AMOLED 6.78 inch dhe një panel materiali E4 prodhuar nga Samsung. Kjo shtrin raportin e ekranit në 20.4: 9 në këtë seri. Ka gjithashtu një shpejtësi rifreskimi 144Hz dhe, ndërsa nuk ka shpejtësi adaptive të rifreskimit, mund ta ndryshoni atë manualisht me një nga vlerat e preferuara: 144Hz, 120Hz dhe 60Hz. Ekrani touch ka një shpejtësi input-i prej 300Hz dhe një vonesë prej 24.3ms.
ASUS pretendon se ekrani është 23% më i ndritshëm dhe ka një shkëlqim maksimal prej 800 nits. Këta smartphones gjithashtu përmbajnë çipin e procesorit të ekranit Pixelworks i6 që përdorë AI për të përmirësuar cilësinë e figurës dhe përmbajtje të pasura SDR në HDR etj.
DIZAJNI
ASUS ROG Phone 5 gjithashtu vjen me një model dot-matrix për logon ROG në pjesën e pasme që shihet gjithashtu edhe në laptopët gaming të Asus ROG dhe mund të tregojë një gradient të dy ngjyrave në logo në vend të një ngjyre statike.
ALTOPARLANTËT
Seria ROG Phone 5 do të vijë me altoparlantë të dyfishtë përpara, me një speaker 35% më të madh për një prodhim më të lartë dhe cilësor të muzikës. Dirac akordon altoparlantët për më shumë qartësi. Gjithashtu vjen me një jack kufjesh 3.5 mm, së bashku me një premium feature ESS SABER ES9280AC Pro për një prodhim më të mirë.
BATERIA
ASUS ROG Phone 5 gjithashtu përmban një bateri prej 6,000 mAh që ka shumë përmirësime. Bateria është e ndarë në 2 qeliza prej 3,000 mAh dhe e rregulluar në një orientim MMT. Energjia që furnizon këto qeliza vjen nga qendra, jo nga njëri prej skajeve, e cila zvogëlon ngrohjen gjatë karikimit. Bateria e re është krijuar për të përfituar nga sistemi i ftohjes së telefonit, duke qenë se ka qasje në teknologjitë HyperCharge 65 vat dhe Qualcomm QuickCharge 5.0.
KAMERA
Duke lëvizur në pjesën e pasme, këtu gjërat na zhgënjejnë pasi konfigurimi i kamerës mbetet i pandryshuar. Vjen me një sensor 64MP Sony IMX686 për kamerën kryesore, një kamerë ultrawide-angle 13MP dhe një macro-camera 5MP. Në pjesën e përparme, kemi të njëjtat parametra prej 24MP. Sidoqoftë, ekzistojnë disa përmirësime të software-it, të tillë si ndërfaqja e personalizueshme e kamerës, regjistrimi i videos 8K, slow-motion 4K, modaliteti dinamik për natën dhe më shumë.
DATA E LËSHIMIT, ÇMIMI DHE NGJYRAT
E fundit, por jo më pak e rëndësishme, linja bazë ASUS ROG Phone 5 do të jetë në dispozicion nga marsi 2021 e në vazhdim, me një çmim fillestar prej rreth $950. Varianti 12/256 GB do t’ju kushtojë afërsisht $1,069 dhe ai 16/256 GB rreth $1,187.
ROG Phone 5 Pro do të dali në dyqane në prill nga $1,425.
Së fundmi, ROG Phone 5 Ultimate Limited Edition do të dali më vonë, në maj 2021, dhe do të kushtojë me të vërtetë shumë, me një çmim prej $1,543, gjë që ishte e pritshme. Vetëm për këtë të fundit, ASUS do të japë gjithashtu një koleksion dhuratash ROG për fans-at.
Ngjyrat e disponueshme janë Phantom Black dhe Storm White për variantin e parë, Black Glossy për Pro dhe Matte White për versionin e limituar.