Nuk ka dyshim se komuniteti i Destiny është i populluar me disa lojtarë me të vërtetë të talentuar, pasi shpesh herë vazhdojnë t’i vënë vetes kufizime jashtëzakonisht të vështira në lojrat e tyre, me një Fireteam inteligjent të Guardians që kohët e fundit ka marrë përsipër të vrasë çdo bos në mënyrë perfekte.
Ndërsa disa mund të tallen me një sfidë të tillë, ajo që e bën arritjen tepër mbresëlënëse është se grupi e bëri këtë gjatë sfidës së 390 Light pa përdorimin e armëve dhe pa vdekur asnjë herë.
Siç shihet më poshtë në videon e GladHeAteHer182, pamjet fillojnë duke deklaruar se u deshën 60 orë në total për të arritur këtë, kështu që përfundimisht nuk ishte aspak e lehtë. Natyrisht, gjithë kjo arritje mori shumë kohë për të ndërtuar një strategji solide që do ishte e denjë të përfundonte një detyrë të tillë. Perveç GladHeAteHer182, në të gjitha idetë dhe strategjitë, morën pjesë Samiam1192, Textbook1987, Sweatcicle, It is Spartan, IH O V A, Its GShark, I Indica I, Khosla03, xSolid, rowan, Dark, dhe Gladd.
Meqë u deshën rreth 60 orë për ta bërë këtë dhe ishte një sfidë në ekip, GladHeAteHer182 përmend faktin se ishte e vështirë të mbante të njëjtën skuadër të paprekur gjatë gjithë kohës, kështu që zëvendësime u bënë kur ishte e nevojshme. Përveç kësaj, pasi grupi i tifozëve Destiny vendosi të kufizojë veten duke mos përdorur armë, Gladd gjithashtu vazhdoi të përmendte se ata nuk përdorën asnjë relikë për të dëmtuar armiqtë apo për ndonjë avantazh të panevojshëm. Për shembull, relika në Vault of Glass ishte përdorur vetëm për të pastruar dhe jo për të dëmtuar armiqtë ose Orakujt, ndërsa shpata Crota ishte përdorur vetëm për të sulmuar Crota-t, dhe topat Aksis ishin përdorur vetëm për të vrarë servitors, dhe jo për të dëmtuar Aksis apo armiq të tjerë.
Duke pasur parasysh të gjithë këtë, loja që kanë bërë GladHeAteHer182 dhe ekuipazhi i tij, kanë vendosur një record ekstrem për këdo tjetër që po përpiqet ta tejkalojë atë dhe të bëhet Legjendë. Me këtë rast, është e padiskutueshme që komuniteti është shumë entuziast per lançimin e Destiny 2. GameStop tashmë ka thënë se numrat e shitjeve akoma pa dalë loja janë “të mahnitshme”.
Destiny mund të luhet ne PlayStation 4 dhe Xbox One.