Fortnite ka njoftuar dhe Daryl dhe Michonne nga The Walking Dead do të mund të luhen në Fortnite duke filluar nga data 16 dhjetor 2020. Kjo u njoftua gjatë Game Awards 2020. Fortnite mori skenën për disa minuta duke zbuluar gjithashtu edhe bashkëpunimin me Halo.
Ky lloj bashkëpunimi nuk është shumë i çuditshëm për Fortnite. Kemi parë deri më tani lloj lloj personazhesh dhe crossovers. Në këtë pikë jemi thjesht duke pritur që të dëgjojmë se kush do të jetë kompania e rradhës që do të futet në bisedime me Epic Games, për pak marketing brenda lojës battle royale.
Daryl Dixon dhe Michonne do të shfaqen në item shop javën e ardhshme. Duke gjykuar nga traileri duket se harvesting toole Michonne do të jetë aktana e saj, ndërkoh Daryl do të ketë dy thika gjuetie. Personazhet do të vijnë zyrtarisht në lojë të mërkurën e datës 16 dhjetor.
Epic akoma nuk e ka zbuluar çmimin zyrtar të tyre, por duke marrë parasysh se paketa e Kratos kushtonte 2,200 V-Bucks, do të ishte e pritshme të ishte afërsisht i njejti çmim.