Fansat e G2 Esports kudo tani kanë një skin të Fall Guys për organizatën me temë samurai kuqezi. Kostumi erdhi live tek serverat së fundmi dhe është në dispozicion për blerje në dyqanin e lojës.
Me një bazë të zezë, kostumi samurai ka thekse të kuqe dhe vjen i plotë me një shpatë dhe përkrenare. Për më tepër, syri i kuq i majtë dhe shenja përputhen në mënyrë të përkryer me logon e organizatës. Për t’i shtuar të gjitha, një version i bardhë i logos zyrtare G2 qëndron në mënyrë të përsosur në mes të gjoksit.
Shtimi i një skin-i të G2 në Fall Guys vjen pasi Ninja, Mr. Beast, AimLab dhe G2 u bashkuan për të ofruar $1,000,000 si pjesë e konkursit “Battle of the Brands” të Mediatonic fund të verës.
“Konkurrenca” nga zhvilluesit e Fall Guys erdhi në formën e një ankandi bamirësie ku grupi që ofron të kontribuojë më shumë para për Special Effect, një bamirësi me bazë në Mbretërinë e Bashkuar për lojtarë me aftësi të kufizuara fizike, do të merrte një skin në lojë.
Më herët në dhjetor, skin-i zyrtar i Ninja erdhi dhe një ditë pas Krishtlindjes, tifozët e Mr. Beast morën mundësinë për të blerë kostumin e tij si një dhuratë të vonë.
Lançimi i kostumit të G2 sot lë vetëm skin-in e AimLabs që të dalë. Duke marrë parasysh lëshimet e tjera të kostumeve, ju ndoshta mund të prisni ta shihni atë në javën e ardhshme.