Platforma PC ka nevojë për një lojë të re të llojit skateboard. Session duket premtuese, por është ende mjaft larg. Gjithsesi duket se Skater XL, një lojë që do të hyjë në Early Acces në 19 dhjetor, mund të jetë ajo çfarë jemi duke kërkuar.
Loja po bëhet nga zhvilluesit e lojës për mobile, Skater dhe përshkruhet si një projekt i gjerë me një hartë qyteti të frymëzuar nga jeta reale e banorëve të West Coast dhe një editor videosh për të filmuar lëvizjet tuaja më të mira. Siç mund ta shikoni edhe në trailerin më poshtë, loja anon më shumë në aspektet realistike të skateboarding.
Kur të ketë lançimin në Early Access do mund të luani në një arenë të Los Angelos-it perëndimor përmes një personazhi të vetëm. Sipas studios Easy Day do të kemi gameplay-in dhe mekanikat themelore të lojës të përfshira në të. Ata gjithashtu shprehen se kanë kaluar rreth katër vite duke perfeksionuar ato elementë që do i japin zhanrës hapin e rradhës.
Nuk ka ende një çmim, por ja ku e ka vendin e saj në Steam.