Harpoon gun ka ndryshuar mënyrën se si lojtarët e shohin lojën Battle Royale. E prezantuar në update-in e Chapter 2, ajo është konsideruar si një nga armët më të forta të lojës, pasi ka aftësi të zhvendosë armiqtë dhe t’i shkaktojë atyre shumë dëme.
Gjithsesi, ajo mund të përdoret në më shumë se një mënyrë, siç ka zbuluar së fundmi dhe një lojtar, që ka treguar se si mund ta përdorni armën për të joshur armiqtë në kurthe për ta fituar menjëherë lojën.
Përdoruesi i Reddit, ‘JakeMCFC’ postoi gameplay-in e tij në 1 dhjetor, duke treguar se si mund ta përdorni Harpoon gun, për të ndërruar rrjedhën e lojës. Pasi ai dhe partneri i tij thuajse u vunë poshtë në një përballje në Pleasant Park, JakeMCFC u strehua në një shtëpi për të bërë heal. Gjithsesi, në rast se dikush tentonte ta ndalonte, ai vuri një kurth në murin brenda derës.
Siç pritej, një lojtar hyri menjëherë në ndërtesë, duke u përpjekur që ti jepte fund atij përpara se të bënte heal. Gjithsesi, ishte ai që pësoi dëmet më të mëdha, pasi kurthi i JakeMCFC u vu në aksion.