Konsolat PlayStation 5 dhe Xbox Scarlett më në fund janë zbuluar, por detajet specifike janë të turbullta nga të dyja palët. Sipas zhvilluesve që kanë marrë dev kits për të dyja sistemet, një nga këta dy rivalë është përfundimisht më i fortë.
Ishte Colin Moriarty, ish anëtar i IGN ai që zbuloi se PlayStation 5 është më i fuqishëm se Xbox Scarlett, në një episod të podcast-it të tij. Këtë pohim ai e bazoi nga mendimet e disa zhvilluesve që i kanë marrë të dyja dev kits.
Sado që është e vërtetë që parametrat e konsolës përfundimtare në krahasim me ato të dev kits gjithmonë ndryshojnë, gjasat janë që ky raportim nuk është i gabuar, pasi nuk është as hera e parë që dëgjohet se konsola e gjeneratës së ardhshme të Sony do të jetë më e fuqishme se ajo e Microsoft.
Zhvilluesit kanë folur mirë për sistemin e ri të Sony që përpara se ai të bënte zbulimin zyrtar. A thoni do të jetë sërish Sony fitues në luftën e konsolave? Kjo gjë mbetet të shihet pasi të caktohet një datë konkrete lançimi për këto të fundit.