Sipas një punonjësi të Rockstar GTA 6 është në zhvillim e sipër

Grand Theft Auto V ka kohë që është lançuar dhe deri më tani nuk ka patur as edhe një fjalë nga Rockstar mbi vazhdimin e serive. Pavarësisht mungesës së një njoftimi zyrtar, duket se Grand Theft Auto 6 është realisht në zhvillim e sipër.

Bibin Michael, një  3D Game Artist i Rockstar, që ka punuar me kompaninë që në dhjetor të 2017s deri në prill të 2018s, ka zbuluar në rezumenë e tij se ka krijuar një koncept makinash për Grand Theft Auto Online dhe për Grand Theft Auto 6. Shikojeni vetë më poshtë.

Artisti në fjalë gjithashtu ka kontribuar në Red Dead Redemption 2 dhe emri i tij shfaqet edhe në sektorin e falenderimeve të faqes zyrtare të Rockstar Games. Kjo vëreton që ai është vërtet një ish punonjës i Rockstar dhe se informacioni që ai po jep është i saktë. Gjithsesi me hite aq të dashura si ato të GTA, është alogjike të mos e vazhdosh traditën. Tani thjesht na mbetet të presim.