Ky është leak-u më i fundit rreth dizajnit të iPhone 12
Ky është leak-u më i fundit rreth dizajnit të iPhone 12
Është fillimi i një viti të ri dhe, për ju që nuk e dini, Apple pritet të lançojë iPhone 12 me një dizajn tërësisht të ri, edhe pse fillimisht nuk dukej kështu. Megjithatë, informacionet e fundit që vijnë zbulojnë pak më shumë mbi planet e Apple dhe duket se iPhone 12 do të jetë plotësisht ekran në pjesën e përparme, pa asnjë notch.
Sipas një patente të publikuar, Apple duket se do të heqë dorë nga notch, i cili erdhi në 2017 me iPhone X dhe padyshim që ka ngjallur shumë debate midis përdoruesëve. Gjithsesi, ata ishin të detyruar ta përdornin atë për të vendosur disa sensorë dhe kamerën. Sipas imazheve të publikuara të kësaj patente, iPhone 12 është i pastër në pjesën e përparme, por nuk ka prova që kompania do të vendosë një pop-up camera në pjesën e përparme.
Ka dy mënyra se si Apple do të arrijë ta sjellë këtë dizajn. Ose ata kanë zbuluar një mënyrë për të fshehur të gjithë sensorët dhe kameran e përparme poshtë ekranit, ose kompania ka në plan të sjellë një lexuesh gishtash poshtë ekranit dhe të heqë tërësisht Face ID. Asnjë nga këto zgjidhje nuk është shumë e arsyeshme, pasi kamerat poshtë ekranit kanë kualitet më të ulët dhe heqja e Face ID do të dukej si një hap mbrapa. Ekziston mundësia që të gjithë sensorët gjithashtu të fshihen brenda në pjesën e sipërme të telefonit.
Gjithashtu duhet marrë parasysh se flitet që Apple do të përdorë një lexuesh gishtërinjsh dhe Face ID së bashku, por thuhet që kjo gjë do të vijë në modelet e 2021 dhe jo këtë vit. Gjithashtu, duke parë se Qualcomm ka përmirësuar lexuesin 3D Sonic Max duke e bërë më të madh se sensorin e mëparshëm, ekziston mundësa që Apple të kontaktojë krijuesin e chipsets jo vetëm për Snapdragon X55, por edhe për këtë sensor. Do të jetë mjaft interesante të shohim se çfarë veçorish pritet të vijnë në iPhone 12.
Apple ka mundësi të zgjedhë nga disa opsione për dizajin e iPhone 12 dhe, si me çdo produkt, disa prej konsumatorëve do të ankohen, ndërkohë që të tjerët do të çmenden. Deri më tani, gjithçka është një leak, prandaj ende na mbetet të presim dhe të shohim.