Një burim i menduar i brendshëm i Rockstar, Chris ‘Liberty93’ ka zbuluar disa detaje për GTA 6, duke thënë se disa njerëz i kanë thënë se historia e lojës ka përfunduar.
Chris, që njihet ndryshe si Liberty93 në Rockstar Mag, tha se ishte informuar se historia e lojës ishte mbyllur, përpara se Dan House të largohej nga Rockstar. “Nëse Dan, që po shkruan historinë, largohet nga Rockstar, është sikur një copëz e vetë kompanisë po ikën,” tha ai në transmetimin live të Rockstar Mag.
“Njerëzit më thonë se nuk duhet të shqetësohem, sepse historia e GTA VI ka mbaruar. Mund të jetë e vërtetë, por historia e Red Dead Redemption 2 u mbyll në 2012 dhe pesë vite më vonë ende po i bëheshin ndryshime.”
Liberty93 gjithashtu vërejti se kishte kontaktuar njerëz te Rockstar, pasi kishte dalë në qarkullim një histori që loja sapo kishte hyrë në early development.
“Sipas burimeve tona të besueshme, loja ka qenë në zhvillim që në 2017,” shtoi ai. “Sigurisht që hetuam më tej për këtë dhe pre-production filloi zyrtarisht në fundin e 2014s dhe produksioni i vërtetë në 2015n.”
Sado që raportimet se historia ka mbaruar do i bëjnë disa fansa të mendojnë se loja është më afër nga ç’mendohet, nuk ka asnjë mënyrë për ta ditur këtë me siguri. Rockstar ende nuk ka konfirmuar asgjë zyrtarisht dhe nuk është se duket sikur ka ndërmend ta bëjë në ndonjë të ardhme të afërt.