Mendohet se në shkurt do të mbahet një event i qujtur PlayStation Meeting 2020
Mendohet se në shkurt do të mbahet një event i qujtur PlayStation Meeting 2020
Një leak i ri ka marrë valën e internetit duke sugjeruar se një event i quajtur PlayStation Meeting 2020 do të ndodhë në 12 shkurt të vitit të ardhshëm. Kjo i ka nxitur të gjithë të mendojnë se PlayStation 5 do të zbulohet për publikun rreth të njejtës periudhe.
PlayStation 5 ende duhet të konfirmohet zyrtarisht nga vetë PlayStation, mbi të gjitha pasi ky i fundit, pra Sony, i bëri komplet skip E3 2019. Arsyet se përse kjo ndodhi janë ende të panjohura, por për një moment dukej sikur kompania po i shmangte qëllimisht eventet e lojërave.
Kjo i ka lënë fansat pa patur një ide të qartë se çfarë lojërash do të vijnë në të ardhmen për konsolën. Gjithsesi nëse leaku është i vërtetë atëherë PlayStation 5 është shumë më afër nga çfarë mund ta mendojmë.
PlayStation Meeting 2020 ka si qëllim që të shtrojë në një farë mënyre rrugën për Sony, ndaj në të mund të marrim të gjitha detajet që duhet të dimë për lojëra si Nioh 2, Ghost of Tsushima dhe The Last of Us 2, të treja këto pretendente për të qenë lojëra të lançuara bashkë me konsolën.
Gjithsesi ka një dritë në fund të tynelit. Qoftë ky leak i vërtetë ose jo, ne dimë se Sony do të bëjë paraqitjen e tij në Gamescom 2019, që do të mbahet literalisht për punë ditësh në Gjermani. Aty duhet të japë se sbën ndonjë informacion për PS5, ndaj gjasat janë që nuk do të jemi më kaq të hutuar rreth kësaj konsole të gjeneratës së ardhshme.