Bungie konfirmon se po zhvillon Destiny 3, por është ende herët
Bungie konfirmon se po zhvillon Destiny 3, por është ende herët
Bungie ende nuk ka përfunduar me planet e tyre për update në Destiny 2, por duket se zhvilluesi po mendon gjithashtu për Destiny 3, por ende nuk është gati të japë më shumë detaje. Në një intervistë, drejtori i komunikimit i studios David ‘DeeJ’ Dague thotë se do të na duhet të presim edhe pak përpara se të marrim vesh diçka për lojën e ardhshme.
“Seria ende nuk ka ndonjë lajmërim të mirë për të bërë rreth të ardhmes së saj,” – tha Dague kur u pyet se për sa kohë do të merrej Bungie me Destiny 2 përpara se të kalonte tek Destiny 3. “Tani për tani, vëmendja dhe përkushtimi ynë është tek sezonet që do të shpalosen gjatë vitit në vijim dhe vazhdimi i një historie që tërheq lojtarët.”
“E kuptoj pyetjen e cila është padyshim shumë interesante. Do të themi disa gjëra të papara rreth saj më vonë, por tani për tani është ende herët.”
Destiny 2 erdhi në PlayStation 4 dhe Xbox One në shtator të 2017, tre vite pas lojës së parë Destiny . Shtatori i 2020 do të jetë 3 vjetori i lojës, gjë e cila ka bërë që njerëzit të spekulojnë se një lojë e tretë e serisë Destiny do të zbulohet së shpejti. Të paktëm, dimë se kjo është e vërtetë, por ende nuk dimë se kur loja do të vijë.