Do ishte mirë të fillonit me kursimet.
Do ishte mirë të fillonit me kursimet.
PlayStation 5 do të vijë me disa tipare shumë interesante. Konsola do të mbështesë 8K, Ray Tracing e shumë të tjera që mund ti lexoni në këtë link. Pikërisht këto faktorë e kanë bërë audiencën të mendojë se PS5 do të jetë më i shtrenjtë se paraardhësi i tij, PS4. Si për ta konfirmuar këtë besim një zhvillues europian hamendësoi se do të kushtonte $500. Një shifër kjo që ta dëmton rëndë portofolin. Gjithsesi, një analist i industrisë është i bindur se konsola e gjeneratës së ardhshme të Sony do të kushtojë $400, në të njejtin çmim sa PS4.
Sipas Pelham Smithers, PS5 do të jetë i paketuar me AMD Ryzen 3600G CPU. Nga çfarë Sony ka thënë deri tani, paisja do të ketë një 7nm 8-core Ryzen CPU që do të mbështesë Ray-Tracing. Në këtë pikë Sony po përdor AMD Ryzen 3600G, që u zbulua më herët gjatë këtij viti në CES 2019. Deri në fundin e 2019s, kjo CPU specifike do të variojë nga $180-$220 për njësi. Kjo duhet ta bëjë çmimin e PS5 të qëndrojë në $400.
Sigurisht që çmimi i $400 i përshtatet edhe më shumë fjalëve të Mark Cerny që: “çmimi i PS5 do të jetë i përshtatshëm për gamer-at.” Normalisht 400 është më mirë se 500, por duke gjykuar situatën e tanishme të tregut edhe $500 qëndron ende si opsion.
Deri më tani nuk dihet ende se kur do të lançohet PS5. Gjithsesi shumica besojnë se 2020 do të jetë viti i tij. Do iu rekomandonim që të fillonit kursimet që tani në fakt. Do ta keni shumë më të lehtë në fund. Vetëm mos filloni ti harxhoni rrugës me microtransactions.