Thashetheme të reja, deri diku të besueshme, kanë qarkulluar për një reboot të mundshëm të Silent Hill në PS5. Këto erdhin nga përdoruesi i Twitter: Aesthetic Gamer dhe Rely on Horror, dy burime që në të kaluarën zakonisht kanë qenë të besueshëm.
Si duket reboot-i i Silent Hill do të vijë nga SIE Japan Studio dhe do të drejtohet nga Keiichiro Toyama (drejtori dhe shkrimtari i Silent Hill-it origjinal), Masahiro Ito (dizajneri i katër lojrëave të para) dhe Akira Yamaoka (kompozitori për pjesën më të madhe të serive).
Rikthimi i Silent Hill nuk është ende një punë e konfirmuar, por mendohet të ketë krijimtarinë e plotë të Kojima dhe të përdorë PlayStation VR Headset të gjeneratë së ardhshme të Sony. Të dyja burimet thonë se Sony po shërben si një ndërmjetës mes Hideo Kojima dhe Konami në tentativë për të risjellë Silent Hill në PS5.
Kjo nuk është hera e parë që dëgjojmë fjalë për një reboot të Silent Hill, ndaj nuk mund të jemi ende të sigurtë për kredibilitetin e këtyre informacioneve. Gjithsesi burimet thonë se mund të dëgjojmë diçka zyrtare rreth këtij projekti këtë muaj, ndaj vetëm koha do e tregojë.