Si të përmirësoheni si Imposter në Among Us

Të luani si Imposter mund të jetë e vështirë por këto këshilla do t’iu ndihmojnë

Among Us ka fituar në mënyrë të papritur shumë popullaritet për shkak se kjo lojë është një kombinim i përkryer i bashkëpunimit dhe aftësive manipuluese. E lançuar më 2018, Among Us ka fituar shumë popullaritet kohët e fundit.

Loja është shumë e thjeshtë. Ekuipazhi duhet të plotësoj detyrat që i janë caktuar në mënyrë që të fitojnë por midis tyre fshihen Imposters të cilët sabotojnë anijen dhe vrasin. Të jesh Imposter është e vështirë por ne kemi vendosur t’iu sjellim disa këshilla se si të përmirësohëni si Imposter.

Përpiquni të përziheni me ekuipazhin. Ndodh rrallë të jesh Imposter dhe në momentin që jeni mund t’iu ndodh të emocionoheni dhe t’iu zërë paniku. Imposter duhet të sillet si çdo pjesëtar tjetër i ekuipazhit dhe të mos lërë dyshime dhe fshihuni në momentin që mendoni se është koha e duhur. Jini vigjilent dhe pretendoni sikur po plotësoni detyrat. Çelësi për të fituar është durimi. Ka momente kur ju keni mundësi për të vrarë por ka edhe raste kur është me rrezik prandaj duhet të dini si t’i shfrytëzoni këto raste me kujdes.

Një gabim që një pjesë e madhe e Imposter bëjnë është që pasi vrasin ata janë shumë pranë trupit të vdekur. Nëse dikush iu sheh afër trupit ose duke ikur në drejtim të kundër me të, ata do të dyshojnë menjëherë mbi ju. Një taktikë e përdorur shpesh është që të raportoni vrasjen tuaj por kjo ndonjeherë mund të shkoj keq. Një mënyrë e mirë për të shpëtuar është “vent” pasi askush nuk mund të dalloj në qoftë se një Imposter ka hyrë ose ka dalë prej tyre. Duke përdorur vent ju mund të largoheni pa probleme nga trupi.

Komunikimi është gjithashtu i rëndësishëm. Përpiquni të flisni si zakonisht. Nëse ndodh që dikush të akuzohet dhe të gjithë vendosin të votojnë atë, mos kundërshtoni por ecni me rrymën. Nëse vendoset që të mos votojnë për të, mos dilni kundër pasi dyshimi do të kaloj mbi ju. Përpiquni të bëni pyetje çdo herë që një trup i vdekur raportohet dhe krijoni besim me pjesëtarët e tjerë të ekuipazhit.  Gjithashtu mund të gënjeni në momente kur është e mundur.

Mos harroni të përdorni “Sabotage”. Me anë të Sabotage ju mund të mbyllni dyert, të fikni dritat, të vendosni reaktorin të shkatërrohet duke shkaktuar kaos. Një nga Sabotage më të mira është fikja e dritave pasi kjo do të ul rrezen e shikimit të ekuipazhit por jo tuajën. Ju do të mund të vrisni shumë lehtë edhe nëse ka pjesëtarë të tjerë të ekuipazhit afër. Shkatërrimi i reaktorit gjithashtu do t’iu ndihmoj nëse dëshironi të blini kohë ose mund ta përdorni këtë për t’u dukur si pjesë e ekuipazhit pasi ju mund ta rregulloni ketë defekt.

Të jesh një pjesëtar i ekuipazhit ndonjëherë behët e mërzitshme. Përpiquni të kryeni shpejt detyrat tuaja, të vëzhgoni me kujdes të tjerët dhe të komunikoni shpesh me pjesëtarët e tjerë të ekuipazhit. Imposters e kanë më të vështirë pasi atyre do t’iu duhet të thurin kurthe dhe taktika të cilat do t’i çojnë drejt fitores. Ju mund ta luani Among Us falas në mobile ose ta blini në Steam për PC.